Ababyeyi benshi batekereza ku guhana iyo babonye umwana akoze ikosa. Ese Imana yo ibigenza ite? Ese haba hari uburyo wakwitegura na mbere y\u2019 uko umwana akosa? Ese ni iki wakora ngo guhana kwawe bibe bitayobowe n\u2019 umujinya uterwa n\u2019 amakosa umwana yagukoreye? Ese hari ikintu wakora kugira ngo guhana kwawe bitegurire umwana wawe kwizera ubutumwa bwiza? Muri iyi nyigisho turareba igisubizo ijambo ry\u2019 Imana riduha kuri ibyo bibazo byose ngo tumenye ukuntu nk\u2019 abizera twakwigana Imana mu guhana kwacu. <\/p>\n\n\n\n
Iyo usomye Bibiliya uhereye mu itangiriro, mu gice cya mbere n\u2019 icya kabiri tubona ukuntu ibintu byose byatangiye. Ese guhana byo byatangiye bite? Haba hari ukuntu Imana yateguye ibijyanye no guhana mbere y\u2019 uko biba? Mu gice cya 2:15-17, tubona ibintu 3 Imana yakoze mbere yo guhana: Icya mbere, Imana iha umuntu ahantu yisanzurira n\u2019 umurimo wo gukora.1<\/a><\/sup>Itangiriro 2:15: Uwiteka Imana ijyana wa muntu, imushyira muri iyo ngobyi yo muri Edeni, ngo ahingire ibirimo, ayirinde. <\/span> Icya kabiri, Imana imusobanurira ibyo akwiye gukora n\u2019 ibyo akwiye kwirinda.2<\/a><\/sup>Itangiriro 2:16-17a ‘Uwiteka Imana iramutegeka iti \u201cKu giti cyose cyo muri iyo ngobyi ujye urya imbuto zacyo uko ushaka, ariko igiti cy\u2019 ubwenge bumenyesha icyiza n\u2019 ikibi ntuzakiryeho,’<\/span> Icya gatatu, Imana isobanurira umuntu ibizamubaho naramuka akoze ibyo yabujijwe.3<\/a><\/sup>Itangiriro 2:17b ‘, kuko umunsi wakiriyeho no gupfa uzapfa<\/em>.\u201d<\/span> Ibi bintu uko ari bitatu nk’ abizera dukeneye kubyigiraho niba dushaka kwigana Imana tugahana abana bacu mu mucyo w\u2019 ijambo ry\u2019 Imana.<\/p>\n\n\n\n Ababyeyi benshi usanga bihutira guha abana amabwiriza, ariko Imana yo siko yabigenje. Iyo usomye itangiriro 2:15, tubona ikintu Imana yakoze mbere yo guha umuntu amabwiriza. Bibiliya iravuga ngo “Uwiteka Imana ijyana wa muntu, imushyira muri iyo ngobyi yo muri Edeni, ngo ahingire ibirimo, ayirinde.\u201d4<\/a><\/sup> Itangiriro 2:15 <\/span> Mbere yo kumuha amabwiriza, Imana yahaye umuntu ahantu hihariye ho kuba: ingobyi ya Edeni; n\u2019 akazi ko gukora: guhingira iyo ngobyi no kuyirinda. Iki ni kimwe mu bintu bigora ababyeyi benshi. Usanga ababyeyi bihutira kubuza abana babo ibintu runaka, ariko bakirengagiza icyo Imana yabanje gukora mbere yo gutanga amabwiriza. Imana yabanje guha umuntu ahantu hihariye n\u2019 icyo gukora. Umwana nawe akeneye kugira ahantu hihariye yakwisanzurira ndetse n\u2019 ibyo gukora. <\/p>\n\n\n\n Ese uwabaza umwana wawe ahantu yisanzurira yavuga ko ari he? Ababyeyi bamwe usanga bihutira kubwira abana kutajya ahantu runaka ariko ntibabahe aho bakwiye kujya. Urugero, niba uzi ko mu gikoni hari ibintu byinshi byateza umwana ibyago, ushobora kumubuza kujya mu gikoni. Ariko se, wibuka kumuha ahandi hantu yajya akisanzura? Ushobora nko guhitamo ahantu hamwe mu rugo, ugakuraho ibintu byose byateza umwana ibyago, kugira ngo habe aho yakwisanzurira. Kuburyo utamubuza kujya ahantu hose ngo usange adafite na hamwe yajya. Niba umwana umwigizayo ngo atajya mu gikoni akagira ibyo yangiza, ukwiye no kugira ahandi hantu, aho nawe yemerewe kwigizayo ibimubangamiye. Imiryango imwe usanga bahitamo nk\u2019 uruganiriro cyangwa icyumba cy\u2019 abana bakahagira aho hantu umwana ashobora kwisanzurira kuburyo ibyo yakwangiza byose babyigizayo. <\/p>\n\n\n\n Ikindi gikomeye Imana iha umuntu ni akazi ko gukora. Imana ishyira Adamu mu ngobyi ngo ayihingire ayirinde. Kenshi usanga abana bakora amakosa menshi kubera ko ari nta kindi bafite cyo gukora. Ni ngombwa rero ko twigana Imana mu kurera kwacu, maze tugaha abana ibintu byo gukora kugira ngo ubuzima bwabo bugire intego. Bitewe n\u2019 ikigero umwana arimo hari ibintu runaka yabasha gukora. Ni inshingano yawe nk\u2019 umubyeyi kumenya ni iki waha umwana wawe gukora mu kigero arimo. Kugira ibyo umwana ahugiramo, bimurinda gukora ibyo utamutumye, bya bindi usanga kenshi bikwangiriza cyangwa nawe bikamuteza ibyago. Ikindi ni uko, bimufasha kugira intego mu buzima. Kuba afite ibintu ahugiyeho, bimuhinyuza, bimutegurira ubuzima bwa buri munsi.\u00a0 Kuko bimufasha kwitoza kugira ibintu runaka akora.<\/p>\n\n\n\n Ababyeyi benshi usanga babwira abana ibyo bakwiye kwirinda gusa. Ariko ntibababwire ibyo bakwiye gukora. Usanga kenshi umubyeyi abwira umwana ngo: “witonde!” Nyamara umwana ntamenye ibyo yemerewe gukora n\u2019 ibyo atemerewe. Imana yo ntabwo ari uko yabigenje. Itangiriro 2:16, Imana ibwira umuntu ibyo yemerewe gukora, Bibiliya iravuga ngo: \u201cKu giti cyose cyo muri iyi ngobyi ujye urya imbuto zacyo uko ushaka.\u201d Nk\u2019 ababyeyi, ibi bikwiye kutwigisha uburyo bwo guha abana bacu amabwiriza. Urugero, aho kubwira umwana gusa ngo \u201cWitonde!\u201d ukaba wamubwira uti genda ukinire hariya mu ntebe, ariko ntuzandikeho. cyangwa uti genda ushyire ibikinisho byawe byose mu mwanya wabyo.<\/p>\n\n\n\n Ku murongo ukurikiyeho wa 17, Imana ibwira umuntu icyo noneho adakwiriye gukora. Iti \u201cariko igiti cy\u2019 ubwenge bumenyesha icyiza n\u2019 ikibi ntuzakiryeho,\u201d5<\/a><\/sup> Itangiriro 2:17a<\/span> Aha, Imana isobanurira umuntu aho uburenganzira bwo kurya ku giti cyose cyo mu ngobyi bugarukira. Kenshi, usanga ababyeyi badafata umwanya wo gusobanurira abana aho uburenganzira bwabo bugarukira. Niba ubwiye umwana uti: “Jya munzu!” cyangwa uti: “Usigare ku rugo!”, bisaba ko unamusobanurira neza ibyo yemerewe gukora ndetse n\u2019 ibyo atemerewe. Ntiwibwire ngo nawe arabyumva! Ngo utekereze ko ku mwana kujya mu nzu bivuze kutandika ku rukuta! Cyangwa se ko gusigara ku rugo bivuze kutajya gukina n\u2019 abana b\u2019 abaturanyi. Ni ngombwa ko utamuha amabwiriza y\u2019 ibyo gukora gusa, ahubwo ugafata akanya ukanamusobanurira neza ibyo yemerewe n’ ibyo atemerewe. Akamenya aho uburenganzira bwe bugarukira.<\/p>\n\n\n\n Ababyeyi benshi usanga babwira abana ibyo gukora n\u2019 ibyo kwirinda, ariko umwana ntamenye icyo ari buhombe natirinda cyangwa icyo ari bwunguke nakora ibyo bamubwiye. Imana ntago ari uko imeze. Nyuma yo kubuza Adamu kurya ku giti, yamubwiye n\u2019 uko bizagenda naramuka akiriyeho. Iti \u201ckuko umunsi wakiriyeho no (koko) gupfa uzapfa.\u201d 6<\/a><\/sup> Itangiriro 2:17 <\/span> Kenshi usanga ababyeyi badaha agaciro kubwira umwana ikiri bube naramuka anyuranyije n\u2019 amabwiriza yahawe. Ariko ibyo bituma umwana atumva uburemere bw\u2019 ikosa. Ugasanga n’ igihe arikoze, atunguwe n’ ingaruka zikurikiyeho. Bisaba ko umwana ahabwa amahirwe yo kumva uburemere bw\u2019 amabwiriza ari guhabwa binyuze mu gusobanurirwa ingaruka zo kutayubahiriza. Ibyo bituma iyo izo ngaruka zimugezeho adatungurwa cyangwa ngo yumve ari kurengana. Ibi kandi bifasha umubyeyi kudatwarw a n\u2019 amarangamutima ngo abe yahana umwana ayobowe n\u2019 umujinya, abe yakora n\u2019 ibidakwiriye. Guhana gutya bifasha umwana kumva neza ubutabera. Aho icyaha gikwiranye n’ igihano cyacyo. <\/p>\n\n\n\nKubaha aho kwisanzurira n\u2019 ibyo gukora,<\/h1>\n\n\n\n
Kubasobanurira neza ibyo gukora n\u2019 ibyo kwirinda,<\/h1>\n\n\n\n
ndetse n\u2019 ingaruka zizababaho nibatumvira. <\/h1>\n\n\n\n