Mu bice bine byabanje twabonye ibintu bitandukanye Bibiliya ivuga ku kurambagiza. Mu gusoza uru ruhererekane turareba ku bintu bitatu by\u2019 ibanze Bibiliya itegeka umusore n’ inkumi bari mu gihe cyo kurambagiza kwirinda kugira ngo iki gikorwa kizabageze ku kubaka urugo rwiza.<\/p>\n\n\n\n
Imwe mu mvugo zimenyerewe cyane ni uko \u201curukundo ari impumyi\u201d nyamara iyi mvugo si ukuri. Icyo ijambo ry\u2019 Imana ritubwira ni uko urukundo rutwikira ibyaha byinshi.1<\/a><\/sup> 1 Petero 4:8 Ariko ikiruta byose mukundane urukundo rwinshi, kuko urukundo rutwikira ibyaha byinshi.<\/span> Gutwikira ibyaha no kutabibona ni ibintu bibiri bitandukanye. Urukundo rwuzuye si impumyi. Ahubwo, rugira ubushobozi bwo kurenga ibibi by\u2019 uwo ukunda. Ikibabaje ni uko usanga kenshi abantu bari kurambagiza badashaka kubona ibibi by\u2019 abo bakundana cyangwa se bakabyirengagiza nkana kubera gutinya ko kubibona byababuza gukomeza gukundana.<\/p>\n\n\n\n Usanga umuntu atifuza no kumva umubwira intege nke z\u2019 uwo bakundana. Iyo hagize ugerageza kubimubwira yihutira kubihakana na mbere yo kubyumva. Ugasanga umukobwa cyangwa umusore yishyizemo ko uvuze ikibi ku uwo bakundana wese aba ashaka kubateranya. Kuburyo n\u2019 ababyeyi be usanga atemera kubatega amatwi. Ibyo nibyo twita kurambagiza mu bujiji. Umuntu uri kurambagiza akwiye kuba yiteguye gutega amatwi no gusesengura amakuru yose ajyanye n\u2019 uwo bakundana cyangwa imibanire yabo.2<\/a><\/sup> Imigani 19:20 Emera inama kandi wumve icyo wigishijwe kugira ngo kugira ngo mu maherezo uzabe yawe uzabe uzi ubwenge.<\/span> Maze akamenya intege nke za mugenzi we, kuburyo amukunda azi neza uwo akunze uwo ariwe. Kandi akajya mu rukundo azi neza ibyo agiyemo ibyo aribyo n\u2019 ikiguzi cyabyo.<\/p>\n\n\n\n Kimwe mu bintu bikunze kuranga abantu barambagiza muri iki gihe n\u2019 irari ry\u2019 ibintu. Usanga hari abantu bafashe kurambagiza nk\u2019 inzira yo kubona ubutunzi aho usanga umusore cyangwa umukobwa ashishikajwe n\u2019 ibyo mugenzi we atunze aho gukora ngo nawe ashake ibye. Ibyo nabyo hari icyo Bibiliya ibivugaho. Pawulo yihanangiriza abizera mu 2 Abatesalonike 3:10 agira ati \u201ckuko iki ari cyo twabategetse tukiri kumwe namwe, ngo umuntu wese wanga gukora ntakarye.\u201d Maze akitangaho ubuhamya ko nubwo yari afite ubutware bwo gutungwa nabo, yahisemo gukora ngo ababere icyitegererezo cy\u2019 uko umuntu akwiye gutungwa n\u2019 ibyo yakoreye.<\/p>\n\n\n\n Iri hame ryo gutungwa n\u2019 ibyo umuntu yakoreye ntirihindurwa ni uko umuntu ari mu rukundo n\u2019 undi aho usanga abantu bashingira ku marangamutima basangiye maze ugasanga umwe arakoresha ubwo bushuti nk\u2019 inzira yo kwibonera indamu. Hari ibintu bibiri bikomeye Imana yanga bijyana n\u2019 uyu muco mubi. Icya mbere ni uko ibi bikurura ubunebwe3<\/a><\/sup>Imigani 12:24 Ukuboko k’ umunyamwete kuzatwara ariko ukoboko k’ umunyabute kuzakoreshwa uburetwa.<\/span> ugasanga umuntu ntacyifuza gukora ahubwo ahora ateze amaboko kuri mugenzi we. Iki ni ikintu kibabaza Imana kubera ko umuntu wese Imana yamuhaye ubushobozi runaka bwo kugira icyo akora kikagirira abandi akamaro.4<\/a><\/sup> 1 Petero 4:10 Kandi nk’ uko umuntu yahawe impano abe ariko muzigaburirana, nk’ uko bikwiriye ibisonga byiza by’ ubuntu bw’ Imana bw’ uburyo bwinshi.<\/span> Iyo rero uhisemo kudakora uba uhombeje abandi kandi uba ubaye igisonga kibi cy\u2019 iyo mpano y\u2019 Imana. Icya kabiri ni uko hari agaciro Imana yagennye ko umuntu akura muri uko kuba hari icyo amariye abandi binyuze mu murimo akora. Iyo rero uhisemo kudakora uba wiyambuye ako gaciro. Ugasanga aho kubera abandi igisubizo ahubwo uhindutse umutwaro.<\/p>\n\n\n\n Inshuro nyinshi Bibiliya igaruka ku busambanyi nk\u2019 icyaha kibi Imana yanga urunuka.5<\/a><\/sup>Kuva 20:14 Ntugasambane. <\/span> Ubusambanyi ni imibonano mpuzabitsina ikozwe hagati y\u2019 abantu babiri batari umugabo n\u2019 umugore bashyingiranywe. Pawulo agaruka kuri iki cyaha mu 1 Abakorinto 6:18 agaragaza impamvu abizera badakwiye gusambana agira ati \u201cMuzibukire gusambana. Ibindi byaha byose umuntu akora bikorerwa inyuma y\u2019 umubiri, ariko usambana aba akoze icyaha cyo mu mubiri we. Mbese ntimuzi yuko imibiri yanyu ari insengero z\u2019 Umwuka Wera uri muri mwe, uwo mufite wavuye ku Mana? Kandi ntimuri abanyu ngo mwigenge kuko mwaguzwe igiciro. Nuko rero mutume imibiri yanyu ihimbaza Imana.\u201d <\/p>\n\n\n\n Muri iki gihe, iyo ubwiye abari kurambagiza kwirinda ubusambanyi usanga bihutira kubaza ngo ese mu bijyanye n\u2019 imibonano mpuzabitsina ni ibiki byemewe hagati y\u2019 umusore n\u2019 umukobwa bari kurambagizanya? Pawulo abigarukaho mu 1 Abatesalonike 4:3-4 agira ati \u201cIcyo Imana ishaka ni iki: ukwezwa kwanyu no kwirinda gusambana, ngo umuntu wese areke kureng\u0113ra cyangwa kuriganya mwene Se kuri ibyo, kuko Umwami wacu ahora inzigo y\u2019 ibyo byose nk\u2019 uko twabanje kubabwira no kubahamiriza.\u201d<\/p>\n\n\n\n Uretse ko icyo kibazo abizera batagakwiye no kukibaza, ariko n\u2019 igisubizo cyacyo kiroroshye. Icyo ijambo ry\u2019 Imana ritubwira ku bijyanye n\u2019 imibonano mpuzabitsina ni uko yemewe gusa hagati y\u2019 abashakanye. Ibyo rero biduha uburyo bwiza bwo kumenya ibitemewe hagati y\u2019 abatarashyingiranwa. Bisaba gusa kureba ibyo utakwifuza ko umugore wawe (cyangwa umugabo wawe niba uri umugore) yakorana n\u2019 undi muntu. Ibyo utifuza ko uwawe yakorana n\u2019 undi muntu, nawe ntiwemerewe kubikorana n\u2019 umuntu wese mutashyingiranywe.<\/p>\n\n\n\n Mu kurambagiza kwawe ujya wibuka kwirinda, cyangwa ubikora nkaho uri uwawe ngo wigenge? Aho ntukomeza kugoragoza ijambo ry\u2019 Imana ngo urebe ko hari umwanya ryaguha wo guhaza irari ryawe aho guhunga icyaha?6<\/a><\/sup>Abaroma 13:14 Ahubwo mwambare umwami Yesu Kristo, kandi ntimuhe urwaho imibiri yanyu ngo ibone uko ikora ibyo yifuza. <\/span><\/p>\n\n\n\n Ese witeguye gukoresha impano Imana yaguhaye ngo ugirire umumaro abandi cyangwa ushyize imbere kurya utwabandi witwaje ko hari ubucuti mufitanye?<\/p>\n\n\n\n Ese wemera kugirwa inama cyangwa umeze nk\u2019 uwo Bibiliya yita umupfu: mu gihe umunyabwenge yemera kugirwa inama, we imirimo ye ihora imutunganira?7<\/a><\/sup> Imigani 12:15 Imirimo y\u2019 umupfu ihora imutunganira, ariko umunyabwenge yemera kugirwa inama.<\/span> <\/p>\n\n\n\n Imana idutabare!<\/p>\n\n\n\nKwirinda kuyoborwa n\u2019 irari ry\u2019 ibintu<\/h1>\n\n\n\n
Kwirinda ubusambanyi<\/h1>\n\n\n\n
Ese wowe ubitekerezaho iki?<\/h1>\n\n\n\n